Murshad Ke Aage Meine Jo Sir Ko Jhuka Diya!
Zaahid Ne Itni Baat Pe Mehshar Utha Diya!!
Wakif Nahi Tha Mein Kabhi Peeri Mureedi Se!
Murshad Ne Mere Mujhko Bhi Kalma Pada Diya!!
Deedar Se Khuda Ke Tha Mehroom Kal Talak!
Nazre Mila Mila Ke Bhi Rab Ko Dekha Diya!!
Roza Zakaat Aur Namaze Ada Hue!
Baiyath Ke Waqt Peer Ne Hajj Bhi Kara Diya!!
Sange Siyaah Chumna Laazim Bhi Tha Mujhe!
Dil Mera Rakh Ke saamne Bosaa Kara Diya!!
Gairo Ke Samne Kabhi Khulne Naa Paye Raaz!
Iss Waste Wo Meri Jaban Ko Kata Diya!!
Ayi Jo Yaad Mujhko Shahadat Hussain Ki!
Waqte Sujood Teg Se Gardan Udaa Diya!!
Kitne Anaasiro Se Ye Mera Wazud Hai!
Ek Aan Mein Nigahoo Ke Aage Dekha Diya!!
Iss Tan Mein Makhfiyan Tha Mera Seena Cheer Kar!
Ganje khafi ka Raaz Bhi Zaahir Kara Diya!!
Mehroom Mustafa Ke Nahi Hu Zamaal Se!
Pyaare Nabi Ko Laake Nazar Mein Samaa Diya!!
Apne Wazud Mein He Pata Mujhko Jab Mila!
Mere Ye Jism Khaaki Ke Tukde Udaa Diya!!
Quraan Rakh Ke Le Liyaa Ikraar Peer Ne!
Aur Mujhko Baaton Baaton Mein Quraan Pada Diya!!
Dil Saaf Karke Rakh Diya Mere Huzoor Ne!
Anhad Ka Jo Mukaam Hai Wo Bhi Bata Diya!!
Mein Kis Mukam Par Hu Khuda Kis Mukam Par!
Mera Wazud Mere He Aage Dikha Diya!!
Sadke Mein Jaun Murshade Kaamil Rafiq Ke!
DAWAR Hazaaro Pardo Mein Rab Se Mila Diya!!