హమ్ తొ ఖాదర్ నగరియా కు జానేలగే!
ఉన్ కె జల్వే నజర్ మె సమానేలగే!!
అహదొ అహమద్ క రస్తా బతాయేథె ఓ!
షక్లె త్రిఖూట్ హమ్ కు దిఖాయె థె ఓ!!
నహెను అఖ్రబ్ క మత్లబ్ సునాయేథె ఓ!
రాజ్ ఇన్ని అనాకభి పొనేలగే!!
హఖ్ హయ్ దీదారె హఖ్ జిస్కు మిల్ జాయేగ!
ఫూల్ వూస్ కి తమన్నాక ఖిల్ జాయేగ!!
అప్నె రబ్ సె ఎఖినన్ ఓ మిల్ జాయేగ!
జామ్ నజరోఁసె అప్ని పిలానే లగే!!
సౌతె సర్మద్ మె కల్మెక ఉఖ్దా ఖులా!
ఔర్ హూహూకి ఆవాజ్ హయ్ మోజిజా!!
జిన్ సె ఆదమ్ మె బుతా కా ఖులా సిల్ సిలా!
హమ్ ఖుదా ఏక్ బుత్ కొ బనానెలగే!!
మేరే ముర్షిద్ నె కల్మెకు జిందాకియా!
మేరె దిల్ పర్ ఒ కల్మా కుందా కియా!!
షక్లె ఇన్సాన్ మె ముఝ్ కొ ఫరిందాకియా!
బాల్ ఒ పర్ పె ఒ కల్మా ఉడానే లగే!!
జిస్మ్ మె మేరె ఎక్ జాఁ అజబ్ ఆగయీ!
జోథీ నా సూత్ మల్కూత్ కొ పాగయీ!!
ఔర్ జబ్రూత్ కు ఎ అదా భాగయీ!
రాజే లా హోత్ దావర్ భి పానేలగే!!
పీకె ఖతరేకు దావర్ సదఫ్ బన్ గయే!
ఉసీఖతరేసె మోథీ బిఖర్ నే లగే!!