تم کو رفیق آقا اٹھاتے ہیں مومنو !
رمضان کے یہ روزے دکھاتے ہیں مومنو !!
فرماں حق ہے اور یہ قول رسول ہے !
رکھتے نہیں ہے روزہ تو یہ انکی بھول ہے !
سحری کے وقت تم کو جگاتے ہیں مومنو !
تم کو رفیق آقا اٹھاتے ہیں مومنو !!
مہینے کے دن بھی تیس ہیں روز کے دن بھی تیس !
دیکھو قرآن مومنو پارے ہیں پاک تیس !
ایکے راز حق نے اس میں چھپاۓ ہیں مومنو !
تم کو رفیق آقا اٹھاتے ہیں مومنو !!
روزہ رکھیں گے دل سے تو حق سے وصال ہے !
روزہ اگر نہیں ہے تو جینا محال ہے !
صائم کی شان سب کو بتاتے ہیں مومنو !
تم کو رفیق آقا اٹھاتے ہیں مومنو !!
چہرہ بھی روزہ داروں کا پر نور کیوں نہ ہو !
ہرایک التجا وہاں منظور کیوں نہ ہو !
سر اپنا دیکھو دل سے جھکاتے ہیں مومنو !
تم کو رفیق آقااٹھا تے ہیں مومنو !!
گزرا جو وقت اپنا تو پھر آۓ گا نہیں !
پچھتانے سے اے دوستو پھر فائدہ نہیں !
اس واسطے سبھی کوجگاتے ہیں مومنو !
تم کو رفیق آقا اٹھاتے ہیں مومنو !!
ہوجائگی اذاں ابھی غفلت نہ تم کرو !
منہ ہاتھ دھوکے جلدی سے سحری اداکرو !
جلوہ سحر کا سب کو دکھاتے ہیں مومنو !
تم کورفیق آقا اٹھاتے ہیں مومنو !!
اے مومنو یہ ماہ منور کی رات ہے !
آقا رفیق اور یہ گوھر کی بات ہے !
ہروقت بے خودی کو مٹاتے ہیں مومنو !
تم کو رفیق آقا اٹھا تے ہیں مومنو !!
جاہل ہے بد نصیب ہے روزہ نہیں رکھا !
داور میں کیا کروں میری اتنی ہے التجا !
پورا مہینہ دیکھئے آتے ہیں مومنو !
تم کو رفیق آقا اٹھا تے ہیں مومنو !!