Hamesha Jhoomte Jao Sharaab-e-Ma’rifat Pi Kar
Khuda Ko Paas Mein Pao Sharaab-e-Ma’rifat Pi Kar
Qadam Bosi Ka Matlab Hai Qadam Ko Choom Lene Ka
Qadam Ke Raaz Ko Pao Sharaab-e-Ma’rifat Pi Kar
Kaha Qadmon Ke Neeche Maa Ke Jannat Ko Rakha Hoon Main
To Yeh Matlab Samajh Jao Sharaab-e-Ma’rifat Pi Kar
Zameen O Aasmaan Sooraj Sitaare Chaand Kul Manda’n
Qadam Kya Ramz Batlao Sharaab-e-Ma’rifat Pi Kar
Sharaab-e-Ma’rifat Kehte Hain Jisko Ramz-e-Irfaan Hai
Nahi Dhoka Kabhi Khao Sharaab-e-Ma’rifat Pi Kar
Sataate Hain Tumhare Dil Ke Andar Saikadon Qatre
Sabhi Qatron Ko Suljhao Sharaab-e-Ma’rifat Pi Kar
Qadam Daavar Jaise Kehde Tasavvur Mein Samaalena
Ke Tum Duniya Ko Batlao Sharaab-e-Ma’rifat Pi Kar