Peer Jin Ko Mureedan Banate Hain
Unko Qudrat Khuda Ki Dikhate Hain
Soi Qismat Wo Sab Ki Jagate Hain
Sab Ko Jalwe Khuda Ke Dikhate Hain
Peer Pyala Kuch Aisa Pilate Hain
Mai Pane Ko Wo Pal Mein Mitate Hain
Ghairiyat Se Wo Sab Ko Hatate Hain
Ain Rasta Pe Sab Ko Chalate Hain
Wo Bachate Hain Sab Ko Burayi Se
Karna Sab Ko Bhalayi Sikhate Hain
Deen-e-Islam Ke Farz Jitne Mein
Saare Farzon Ko Sabit Karate Hain
Kalma Poshida Hai Sab Ki Hasti Mein
Kaad Kar Wo Nazar Ko Batate Hain
Kalma Kalma Ko Kaise Padhta Hai
Apni Hikmat Se Sabit Karate Hain
Sab Mureedon Ko Haji Banate Hain
Apni Hasti Mein Kaaba Dikhate Hain
Nakhn-o-Aqrab Kahan Par Hai Poshida
Ek Pal Mein Wo Sab Ko Dikhate Hain
Ahad-o-Ahmad Hai Insaan Mein Poshida
Unko Be Parda Kar Ke Dikhate Hain
Mere Dawar Ki Shaan Hai Aisi
Zindagi Mein Khuda Se Milate Hain