Qadmon Se Tere Aaqa Mujh Ko Na Juda Karna
Marjaunga Furaqat Mein Mujh Pe Na Jafa Karna
Khursheed Ki Garmi Se Mahshar Mein Bacha Lo Tum
Aankhon Mein Chhupa Lo Tum Kuch Mehr-o-Wafa Karna
Thak Jaunga Main Aaqa Din Bhar Ki Museebat Se
Aagosh Mein Tum Lekar Aafat Se Riha Karna
Bekas Hoon Mujrim Hoon Aajiz Hoon Khatawar Hoon
Jis Roze Hashar Hoga Daman Ki Hawa Dena
Bulbul Tere Gulshan Se Kya Door Ho Achha Hai
Aashiq Ko Kabhi Hargiz Dil Se Na Juda Karna
Bas Maaf Karo Gohar Taqseer Meri Har Ek
Munawwar Tera Khadim Hai Is Par Bhi Wafa Karna