Yeh Jhooti Nagri Yeh Jhoota Gulshan Yahan Sada Aashiyaan Nahin Hai
Ae Aqal Walo Zara Sambhalo Yahan Pe Jo Hai Wahan Nahin Hai
Bacha Nahin Hai Koi Jahan Mein Musibatein Hain Sabhi Ko Gheri
Nahin Hai Aisi Zameen Koi Bata Kahaan Aasmaan Nahin Hai
Koi The Is Mein Mahal Banakar Guzare Din Koi Jangalon Mein
Yeh Saare Mar Kar Gaye Jahan Se Kisi Ka In Mein Nishaan Nahin Hai
Yahan Ke Jeene Ko Khwab Jaano Mere Kahe Ko Bura Na Maano
Kisi Ko Qaim Nahin Yeh Nagri Kisi Ka Qaim Jahan Nahin Hai
Koi Bhi Gulshan Nahin Hai Aisa Ke Jis Mein Har Dam Bahaar Hogi
Bahaar-e-Gulshan Bhi Keh Rahi Hai Bat Bataahi Kahaan Nahin Hai
Umeed Sadiyon Ki Karne Walo Tumhein To Kal Ki Khabar Nahin Hai
Jo Paalta Hai Yeh Kal Jahan Ko Usi Ka Koi Makaan Nahin Hai
Na Khatm Hogi Yeh Ta Qayamat Daraaz Behad Daraaz Hai Yeh
Azal Se Daawar Kaho Abad Tak Haqeeqat Uski Bayaan Nahin Hai