Ek Haseen Chaand Hai Aur Chaand Sa Chehra Hai Ghazal
Har Ek Insaan Ki Duniya Ka Ujla Hai Ghazal
Zindagi Uske Bina Dekhlo Be Rangat Hai
Kyunki Insaan Ki Nazron Mein Shagufa Hai Ghazal
Husn Hota Na Agar Ishq Pareshan Hota
Ishq Ke Waaste Kya Khoob Sahara Hai Ghazal
Phool Aur Khushboo Se Halka Hai Tabassum Uska
Jis Par Jal Jaata Hai Parwana Who Shama Hai Ghazal
Bade Andaaz O Ada Naaz Se Tashkeel Hui
Ghaur Se Dekh Lo Qudrat Hi Ka Tohfa Hai Ghazal
Koi Bhi Naam Do Kam Husn Ki Milkar Hai Who
Be Shauron Ki Nigahon Mein Tamasha Hai Ghazal
Saaf Alfaaz Mein Main Ba Ko Bata Doon Daawar
Jaan-e-Man Jaan-e-Jigar Jaan-e-Tamanna Hai Ghazal