Padhke Qur’an Ma’ni Ko Samjha Nahin Dusron Ko Padhane Se Kya Faida
Pehle Khud Dars Le Aur Ma’ni Samajh Ultha Matlab Batane Se Kya Faida
Farq Man ‘Arafa Mein Aur Qad ‘Arafa Mein Kitna Hai Tujhko Ma’loom Shaayad Nahin
Nahnu Aqrab Ko Pehle Zara Jaan Le Ra’ikan Sar Jhukane Se Kya Faida
Harkaton Ki ‘Ibadat Mein Gum Ho Gaya Apni Hasti Mein Kya Kya Hai Samjha Nahin
Tere Dil Ka Tujhi Ko Pata Hi Nahin Sar Pe Qur’an Uthane Se Kya Faida
Tu Samajhta Hai Ma’bood Jab Ek Hai Ek Hi Hoga Dar Dusra Phir Kahan
Dil Ke Khane Mein Maujood Jab Hai Khuda Phir Tu Ka’be Ko Jane Se Kya Faida
Thako Zahid Mubarak Ho Masjid Teri Mere Dil Hi Maujood Hai Mera Rab
Jin Namazon Mein Rab Ki Na Me’raj Ho Who Namazen Padhane Se Kya Faida
Main Nigahon Se Apni Pila Doon Jise Zindagi Bhar Use Hosh Aata Nahin
Meri Nazron Se Pee Kar Jo Ba Hosh Hai Usko Phir Se Pilane Se Kya Faida
Jab Maza Hai Ke Dawar Bhi Ho Samne Saare Dawar Ko Ji Bhar Kar Sajde Karo
Roshni Dusron Ko Na Jis Se Mile Aisi Shama Jalane Se Kya Faida