Hum Khayal Mustafa Murtaza Sher-e-Khuda
Hum Nasheen Hum Kufuu Humsar-o-Ham Nawa
Mustafa Ke Hum Zuban Moula Ali Sher-e-Khuda
Hain Hamare Mehrban Moula Ali Sher-e-Khuda
Jo Juda Samjha Hai Unko Who Musalman Hi Nahin
Hain Sabhi Ke Pasban Moula Ali Sher-e-Khuda
Ali Ka Naam Aisa Hai Ke Dekho Is Mein Kya Kya Hai
Ali Ke Naam Mein Hai Josh-e-Iman Aur Jazba Bhi Hai
Ali Ka Naam Sunte Hi Museebat Door Hoti Hai
Ali Ka Naam Sunte Hi Dilon Mein Josh Aata Hai
Ali Ke Naam Se Jo Bhi Yahan Pe Jalta Hai
Qasam Khuda Ki Wohi Mushkilon Mein Palta Hai
Ali Ke Naam Se Nafrat Yahan Jo Karta Hai
Who Jab Bhi Marta Hai Mushkil Se Dam Nikalta Hai
Ali Ka Hai Mila Daman Yeh Humko Kya Kam Hai
Ali Ke Naam Mein Posheeda Ism-e-Azam Hai
Ali Se Bair Jo Rakhte Hain Unka Hashr Kharab
Ali Se Door Hua Jo Use Jahannum Hai
Peeran-e-Peer Ke Peer Hain Nana Ali
Chaar Choudah Ke Murabbi Rahbar Moula Ali
Mairaj Mein Bait Kiye Dast-e-Yadullah Se Muhammad Bar Mala
The Naqab-e-Kibriya Mein Mustafa Moula Ali
Hain Ameer-e-Auliya Inse Yahan Islam Hai
Deen Ke Hain Peshwa Inse Yahan Islam Hai
Who Kiye Ehsaan Hum Par Inise Hi Yeh Deen Hai
Who Hamare Rahnuma Inse Yahan Islam Hai
Mustafa Ke Naam Jaise Murtaza Ka Naam Hai
Mustafa Ke Kaam Jaisa Murtaza Ka Kaam Hai
Aur Khuda Ke Shakal Jaisi Murtaza Ki Shakal Hai
Aur Khuda Ke Naam Jaisa Murtaza Ka Naam Hai
Mere Haider Ka Laqab Sher-e-Khuda Aur Bu Turab
Haider-e-Karrar Jaise Ho Nahin Sakta Khitab
Lakh Bhi Bole Zamana Mein Na Usko Manunga
Hai Yaqeen Mujhko Ali Hain Kul Jahan Mein Lajawab
Ek Dafaa Aisa Hua Kahin Ja Rahe The Murtaza
Ek Aurat Tel Wali Gir Gaya Uska Ghad-a
Tel Saara Gir Gaya Fauran Use Pi Li Zameen
Tel Wapas Kad Kar Usko Diye Mushkil Kusha
Na Samajh Payenge Isko Yeh Jahan Ke Sar Kharab
Hain Ali Sher-e-Khuda Wahid Jahan Mein Ba Khitab
Tel De Kar Boli Mitti Chhod Do Ae Mere Baap
Jab Ke Jab Aayi Nida Moula Ali Hain Bu Turab
Bu Turab Ke Kya Hain Maane Dekh Lo Lekar Lugath
Ya Kisi Aalim Se Ja Kar Pooch Lo Iska Jawab
Bu Turab Ke Maane Hain Tum Jaan Lo Mitti Ke Baap
Is Liye Bola Khuda Sher-e-Khuda Ko Bu Turab
Keh Rahi Thi Yeh Zameen Moula Ali Mere Mein Aa
Main Chakhaoongi Tujhe Yeh Tel Lene Ka Maza
Usi Waqt Bole Ali Main Tere Na Aaonga
Is Liye Mitti Mein Madfan Na Hue Sher-e-Khuda
Martaba Mere Ali Ka Sab Ki Samajh Mein Na Aayega
Zahida Andha Azal Ka Dekhne Na Payega
Jo Dekha Hai Ali Ko Bas Wahi Batlayega
AaJaa Dawar Ke Tu Ghar Mein Tu Bhi Kuch Ban Jayega