Aap Par Jaan Bhi Qurban Rasool-e Arabi
Aap Par Hai Mera Imaan Rasool-e Arabi
Hum Ko Tafreeq Na Thi Kya Hai Gunah Neki
Aap Karwa Diye Pehchaan Rasool-e Arabi
Jaan-o-Imaan Se Badh Kar Ke Yahan Kuch Bhi Nahi
Aap Par Dono Bhi Qurban Rasool-e Arabi
Aap Sa Koi Bhi Hamdard Zamane Mein Nahi
Aap Bakshe Humein Irfaan Rasool-e Arabi
Aap Sa Koi Nabi Ho Nahi Sakta Paida
Aap Nabiyon Ke Hain Sultan Rasool-e Arabi
Aap Ka Kehna Yaqeenan Hai Khuda Ka Kehna
Jo Khuda Samjhe Who Nadaan Rasool-e Arabi
Aap Ke Sadqe Se Imaan Hai Muyassar Hum Ko
Isi Baais Hai Hamay Shaan Rasool-e Arabi
Aap Ki Baat Pe Kankar Bhi Padhe Hain Kalma
Hum Se Achhe Hain Who Bejaan Rasool-e Arabi
Naaz Karte Hue Aayega Hashr Mein Dawar
Bhar Diye Seene Mein Irfaan Rasool-e Arabi