Salle-Ala Huzoor Ka Saani Koyi Nahi
Mere Nabi Ke Baad Koi Bhi Nabi Nahi
Mere Nabi Ke Sadqe Se Roshan Hai Kainaat
Is Roshni Ke Baad Koi Roshni Nahi
Sadqe Ho Do Jahaan Bhi Sadqe Ho Kainaat
Yeh Ishq Ki Zabaan Hai Deewangi Nahi
Hum Ko Mile Nabi Yeh Muqaddar Ki Baat Hai
Sab Kuch Mila Naseeb Se Kuch Bhi Kami Nahi
Kul Kainaat Noor Muhammad Se Hai Bani
Yeh Baat Hai Azal Ki Magar Aaj Ki Nahi
Wasf-e-Nabi Ke Waaste Khaasir Hai Har Zabaan
Tareef Unki Karne Ko Alfaaz Hi Nahi
Dawar Hua Hai Faiz Ki Daulat Se Sarfaraz
Dono Jahaan Mein Aap Sa Koyi Sakhi Nahi