Jahaan Mein Aaye Nabi Rahmat-e-Jahaan Hokar
Hamaare Waaste Aaye Hain Meherbaan Hokar
Bhatak Rahe The Yeh Ahl-e-Jahaan Andhere Mein
Nabi Kareem Chale Aaye Zaufishaan Hokar
Bhatak Ke Saare Na Jaane Kahaan Chale Jaate
Sambhaale Hum Ko Nabi Hi Ne Paasbaan Hokar
Nabi Ke Sadaqe Se Imaan Ki Mili Daulat
Nabi Na Aate To Mar Jaate Be-Imaan Hokar
Hamesha Fikr Mein Rehte Hain Aap Ummat Ki
Bachaaye Aap Hain Ummat Ko Meherbaan Hokar
Mila Waseela Nabi Ka To Kaamyab Hue
Karam Na Hota To Hum Jaate Raigaan Hokar
Nabi Ka Dast-e-Karam Sar Pe Hai Mere Dawar
Pukaaroon Sall-e-Ala Kyun Na Shaadmaan Hokar