Mere Aaqa Mere Ahmed Meri Shama Tum Ho
Mere Imaan Ke Aangan Ka Ujala Tum Ho
Mujhko Darkaar Nahin Deir-o-Haram Jaane Ki
Mere Murshid Mera Makka Mera Kaaba Tum Ho
Aap Sa Koi Bhi Hamdard Zamane Mein Nahin
Hum Ghulaamon Ka Mere Aaqa Sahara Tum Ho
Saari Khalqat Ko Banaya Hai Khuda Faikun Se
Qadar-e-Pak Ke Seene Ka Irada Tum Ho
Mere Seene Mein Jo Tasveer Chhupi Hai Jiski
Mere Aaqa Usi Tasveer Ka Chehra Tum Ho
Jo Bhi Aata Hai Muqabil Who Dikha Deta Hai
Shak Nahin Jis Mein Kabhi Paak Who Sheesha Tum Ho
Aap Ki Marzi Ke Sanche Mein Dhala Hai Dawar
Meri Auqaat Hi Kya Mujhko Dhalaya Tum Ho