Muhammad Sirr-e-Gauhar Hai Koi Jaana Na Pahechaana
Wahi Ek Noor-e-Akhtar Hai, Koi Jaana Na Pahechaana!
Wahi Khalik Se Vasil Hai, Wahi Makhluq Mein Shaamil
Ajab Kuch Bhed Naadir Hai, Koi Jaana Na Pahechaana!
Wahi Awwal Se Awwal Hai, Wahi Aakhir Se Aakhir Hai
Wahi Batin Se Zahir Hai, Koi Jaana Na Pahechaana!
Wo The Tirsat Baras Duniya Mein Aakar Ban Ke Paigambar
Ana Anta Se Zahir Hai Koi Jaana Na Pahechaana!
Wo Jalva Khaas Tha Khud Nahenu-Aqrab Bola Quraan Mein
Ae Aayat Sob Mein Naadir Hai, Koi Jaana Na Pahechaana!
Muhammad Sirr-e-Haq Hai Zaat-e-Mutluq Afzal-o-Akmal
Muamm Raaz Deegr Hai Koi Jaana Na Pahechaana!
Hamara Dil bhi Kya Dil Hai, Ajab Noorani Maskan Hai
Usi Mein Apna Dilbar Hai, Koi Jaana Na Pahechaana!
Wahi Hai Jalva Farma Bagh-e-Aalam Mein Hamesha Se
Magar Yaa’n Log Dar Dar Hai Koi Jaana Na Pahechaana!
Nahi Hai Doosra Deegr Al Insaanu Sirri Ye Kehkar
Yahi Man Arfa Se Zahir Hai, Koi Jaana Na Pahechaana!
Yahi Hai Ramz-e-Irfan Noor-e-Wahdat Ganj-e-Makfi Bhi
Yahi Khud Arfa Se Aksar Hai, Koi Jaana Na Pahechaana!
Munawwar Ishq-e-Ahmad Ka Hai Maadan Roz-e-Awwal Se
Usi Ka Raaz Deegr Hai, Koi Jaana Na Pahechaana!