Shaafi-e-Mahshar Saqi-e- Kausar Hum Ne Piya Hai Jaam Tumhara
Wird Zubaan Par Meri Hamesha Rehne Laga Hai Naam Tumhara
Sab Se Bhale Ya Sab Se Bure Hain Kuch Bhi Hain Lekin Aapke Khaadim
Roz-e-Hashr Ya Haami-e-Ummat Hum Ko Bachana Kaam Tumhara
Paida Hue Hum Band Thi Aankhen Aankh Khuli To Aapko Dekhe
Seekhe Sabak Itna Sa Umar Bhar Kaafi Hai Humko Naam Tumhara
Na To Wazu Aata Hai Mujhko Na To Namaaz Aati Hai Mujhko
Sar Ko Jhuka Leta Hoon Sunkar Jab Aata Hai Naam Tumhara
Zaahid-o-Mulla Kar Ke Dikhawa Ain Ibaadat Bhool Gaye Hain
Faiz-e-Hidayat Bair Hai Unse Kaise Vo Le Ilhaam Tumhara
Naam-e-Khuda Aur Naam Muhammad Kaafi Hai Mujhko Lahad Mein Bachne
Munkir-o-Nakeer Jab Aayein Lahad Mein Keh Doonga Paighaam Tumhara
Kar Ke Kinaara Is Duniya Se Ishq Mein Daawar Doob Gaya Hai
Ek Hi Zikr Aur Ek Wazifa Subah Se Lekar Shaam Tumhara