Dil Ko Qarar O Chain Hai Mere Huzoor Se
Roshan Hua Hai Dil Yeh Muhammad Ke Noor Se
Mai Pi Liya Hoon Pyala Muhammad Ke Naam Ka
Yeh Aashiqi Mili Hai Shara Ba Tahur Se
Sarshar Dil Hai Mera Muhammad Ke Ishq Mein
Kya Wasta Mujhe Koi Hoor O Khusoor Se
Khud Ko Baqa Banane Ka Ek Rasta Hai Yeh
Ulfat Hai Mere Dil Mein Hamesha Huzoor Se
Aajiz Hoon Inkisaar Nabi Ka Hoon Khaaksaar
Rakhta Hoon Dil Ko Apne Bacha Kar Ghuroor Se
Musa Ko Sirf Pyaar Tha Parvardigaar Se
Is Wastay Vo Gir Gaye Thay Koh-e-Toor Se
Daawar Ne Apne Dil Ko Munawwar Bana Liya
Yeh Zarf Tum Mein Paida Hua Hai Huzoor Se