Mujhe Bhi Aap Ka Roza Dikhana Ya Rasool Allah
Sabhi Aate Hain Mujhko Bhi Bulana Ya Rasool Allah
Tumhare Aastane Se Har Ek Ka Kaam Banta Hai
Meri Soi Hui Qismat Jagana Ya Rasool Allah
Zamane Ke Liye Hain Aap Aaye Rehmat-e-Aalam
Karam Ki Ek Nazar Mujh Par Uthana Ya Rasool Allah
Mere Aaqa Muhammad Mustafa Imaan Hai Mera
Mere Imaan Ko Yun Hi Bachana Ya Rasool Allah
Mere Aaqa Agar Che Waswase Dil Mein Hue Paida
To Foran Aap Hi Unko Mitana Ya Rasool Allah
Siwaye Aap Ke Mera Jahan Mein Kaun Hai Aaqa
Meri Haalat Kise Ja Kar Sunata Ya Rasool Allah
Bula Kar Aap Ke Dar Par Dikha Do Jalwa Daawar Ko
Yeh Khaadim Ko Kabhi Na Bhool Jana Ya Rasool Allah