Yeh Muamma Nahi Hai To Phir Aur Kya Ibtida Kaun Hai Intiha Kaun Hai
Arsh Par Bhi Wohi Farsh Par Bhi Wohi Mustafa Ke Siwa Dusra Kaun Hai
Aap Apni Hi Soorat Pe Shaida Hua Khud Hi Adam Bana Kar Vo Zahir Hua
Ek Hi Shakal Hai Abd-o-Ma’bood Ki Aaina Kaun Hai Dekhta Kaun Hai
Shoq-e-Deedar Had Se Jo Badhta Gaya Paas Bulwaya Mahboob Ko Me’raj Mein
Is Taraf Bhi Wohi Us Taraf Bhi Wohi Mudda’I Kaun Hai Muddua Kaun Hai
Silsila Guftagu Ka Jo Chalne Laga Ek Awaaz Thi Ek Hi Dhang Tha
Sab Farishte Yeh Aapas Mein Kehne Lage Poochhta Kaun Hai Bolta Kaun Hai
Aakhirash Raaz Ganj-e-Khafi Khul Gaya Ek Irada Tha Faikun Se Zahir Hua
Ahad-o-Ahmad Mein Ek Meem Batin Raha Zahira Kaun Hai Aur Chhupa Kaun Hai
Nahnu Aqrab Ki Awaaz Roz-e-Azal Kisi Ki Qismat Mein Thi Kaun Tha Janta
Aarifon Par Hi Irfan Zahir Hua Kaun Adam Bana Aur Basa Kaun Hai
Apne Aaqa Se Daawar Ne Poocha Kabhi Raaz Ko Raaz Rakha To Kya Faida
To Yeh Aaqa Ne Daawar Ko Samjha Diya Mustafa Kaun Hai Aur Khuda Kaun Hai