Khaaliqe Do Jahan Yeh Dua Hai Meri Marte Dam Mera Imaan Salamat Rahe
Mere Maula Yeh Qismat Mein Likhde Meri Sarware Do Jahan Ki Inayat Rahe
Sar Pe Khursheed Hoga Qayamat Ke Din Misl Dozakh Se Badh Kar Ke Hogi Zameen
To Ho Sarkar Ka Mujh Pe Itna Karam Saaya Kamli Ka Waqt Qayamat Rahe
Mujh Ko Marna Hai Bar Haq Marunga Zaroor Aakhri Aarzu Meri Pooche Khuda
To Main Keh Doonga Dil Ki Tamanna Hai Yeh Waqt Aakhir Nabi Ki Mohabbat Rahe
Mujh Ko Duniya Ke Mahallon Ki Hasrat Nahin Maal O Daulat Khazanon Ki Chahat Nahin
Khaaliq Do Jahan Tera Taalib Rahoon Mere Dil Mein Muhammad Ki Ulfat Rahe
Baad Marne Ke Barzakh Mein Mere Liye Mere Maula Tu Kar Dena Yeh Intezaam
Teri Rehmat Barasti Rahe Subah Shaam Doston Mein Tere Meri Nisbat Rahe
Teri Marzi Khushi Par Basar Zindagi Kar Raha Hoon Karoonga Tu Jaisa Kahe
Tu Muhafiz Raha Zindagi Bhar Mera Baad Marne Ke Teri Hifazat Rahe
Mere Maula Tu Dawar Ka Haajat Rawa Dene Wala Nahin Koi Tere Siwa
Main Na Maangunga Kuch Na Is Ke Siwa Ta Hashr Ya Khuda Teri Rehmat Rahe