Aye Fatima Ke Laal Nigaahe Nabi Salaam!
Kar Lijiye Kabool Aye Ibne Ali Salaam!!
Karbo Bala Mein Dekh Ke Wo Bebasi Hussain!
Har Subah Wa Shaam Karne Lagi Bekasi Salaam!!
Baa Ehtaraam Aaj Bhi Zehra Ke Phool Ko!
Kyun Kar Kare Na Khuld Ki Ek Ek Kali Salaam!!
Nehre Faraat Pyaase Labon Ko Taras Gayi!
Zhuk Zhuk Ke Kar Rahi Hai Tumhi Tishnagi Salaam!!
Suraj Ki Ankh Daswe Moharram Wo Do Pehar!
Lijiye Khuda Ke waste Jaane Ali Salaam!!
Sajde Mein Sar Kataya Wahan Aap Ne Hussain!
Ro Ro Ke Kar Rahi Hai Yahan Bandagi Salaam!!
Naame Hussain Likh Ke Kalam Chum Leta Hun!
DAWAR Adab Se Karne Lagi Shayeri Salaam!!