Rubai
Bhulaya Hai Jise Dil Ne Use Phir Yaad Na Karna
Adad-e-Dushman Dil Ko Kabhi Bhi Shad Na Karna
Khushi Se Zehar Pee Lena Magar Faryaad Na Karna
Badi Daulat Hai Khudadi Use Barbaad Na Karna
Cheen Kar Ke Koi Meri Khudariyan Bheek Ka Dene Wala Nahin Chahiye
Jis Shama Mein Jale Tail Khairat Ka Who Shama Ujala Nahin Chahiye
Rookhi Sookhi Hi Kha Kar Guzara Karoon Aish-o-Ishrat Ki Mujhko Zaroorat Nahin
Jis Nawaale Mein Faiz Hidayat Nahin Us Tarah Ka Nawaala Nahin Chahiye
Rozi Roti Ka Zamin Hai Mera Khuda Saari Khalqat Ka Razaq Mera Khuda
Jaayiza Ek Lukma Hi Kaafi Mujhe Yeh Naajaayiz Niwaala Nahin Chahiye
Ae Khuda Tujh Se Bas Hai Yahi Iltija Waqt Aakhir Kisi Ka Na Aajir Bana
Mujhko Duniya Mein Har Giz Na Badnaam Kar Naam Badkaar Wala Nahin Chahiye
Ae Khuda Mujhko Insaan Aisa Bana Tere Bandon Ko Bakhshoon Main Sadaqa Tera
Main Dikha Doonga Un Sab Ko Jalwa Tera Ab Koi Dharam Shaala Nahin Chahiye
Maal-o-Daulat Ki Mujhko Zaroorat Nahin Shahi Mahalon Ki Bhi Mujhko Haajat Nahin
Main Hamesha Rahoon Tere Dar Ka Gadah Naam Who Bol Baala Nahin Chahiye
Ae Khuda Tere Dawar Ki Hai Iltija Noor Shama Hidayat Tu Dil Mein Jala
Roshni Itni Kaafi Hai Mere Liye Ghair Ghar Ka Ujala Nahin Chahiye