Ana Mein Jhankar Dekho Ke Kya Kya Uske Andar Hai
Hamara Khaliq o Malik Kahan Apne Se Bahar Hai
Hamare Dil Ke Andar Hai Azal Se Dilbar Jana
Koi Bahar Use Samjhe Yaqeenan Who Hi Kafir Hai
Nigahon Ke Darichon Se Who Dil Mein Aagaya Hoga
Nafakhtu Fi Min Roohi Se Matlab Saaf Zahir Hai
Isi Hasti Mein Hai Loh Qalam Bhi Arsh o Kursi Bhi
Who Khud Aadmi Mein Posheeda Wahdat Ka Sagar Hai
Isi Hasti Mein Sab Kuch Dekhte Aarif Kamil
Unhi Se Pooch Lo Hasti Ke Andar Kya Kya Manzar Hai
Maqam-e-Maut-e-Sarmad Se Bhi Aage Hu Ka Hai Maidan
Ahad Ahmed Jise Kehte Hain Sajde Woh Dawar Hai
Wajood-e-Aadmi Mein Dekhe Hain Sainkron Aalam
Yeh Kul Aalam Ka Aaqa Posheeda Insaan Ke Andar Hai
Sharaf Insaan Ko Bakhsh Khuda Ne Is Liye Dawar
Khuda Ki Saari Qudrat Ka Tamasha Uske Andar