Saare Jahan Mein Uncha Hai Jhanda Hussain Ka
Dekho Jahan Mein Har Jagah Char Cha Hussain Ka
Islam Par Hussain Ka Ehsaan Azeem Hai
Qurban Haq Pe Hogaya Kunba Hussain Ka
Zulm-o-Sitam Bapa Kiya Lashkar Yazid Ka
Phir Bhi Buland Hi Tha Irada Hussain Ka
Samjhaye Zalimoon Ko Bahut Ibn-e-Murtaza
Samjhe Nahin To Badh Gaya Jazba Hussain Ka
Un Zalimoo’n Ka Mit Gaya Naam-o-Nishan Tak
Dekho Jahan Mein Aaj Bhi Char Cha Hussain Ka
Darte Bhi The Yazid Ke Lashkar Hussain Se
Lakhon Mein Ek Hi Tha Kaleja Hussain Ka
Jurrat Kahan Thi Samne Aane Ki Un Ke Paas
Dekho Ke Sher Jaisa Tha Chehra Hussain Ka
Itna Kaleja Tha Kahan Buzdil The Sab Ke Sab
Waqt-e-Sajood Sar Ko Hai Kata Hussain Ka
Pachtaye Sab Ke Sab Hi Shahadat Ke Baad Mein
Samjhe Na Yazidon Ne Rutba Hussain Ka
Qatale Hussain Kar Ke Sabhi Mit Gaye Yazid
Hota Rahega Hashr Tak Jalsa Hussain Ka
Kunbe Ko Khatm Kar Diye Islam Ke Liye
Karbal Mein Lut Gaya Hai Gharana Hussain Ka
Rothi Hai Karbala Ki Zameen Aaj Bhi Dawar
Dikhta Hai Aaj Bhi Wahan Chehra Hussain Ka