Rubai
Karbal Ka Waqia Main Batata Hoon Dosto
Karbal Mein Kya Hua Hai Dikhata Hoon Dosto
ThaMo Jigar Ko Pehle Phir Yeh Dastaan Suno
Halaat Karbala Ke Sunata Hoon Dosto
Fatima Wale
Zameen Karbala Ki Yeh Roker Kahi Hai
Hussain Ibn-e-Haider Yahan Aaj Bhi Hai
Bola Yazid Aao Yahan Ehtemaam Hai
Aao Hussain Aap Ko Hamara Salaam Hai
Hum Saath Hain Tumhare Tanha Chale Aao
Baiyat Karenge Aap Se Sab Intezaam Hai
Hussain Bole Main Tanha Hi Kaise Aaonga
Main Apne Saath Mein Lashkar Bhi Mera Laonga
Yazid Bola Ke Lashkar Ki Kya Zaroorat Hai
Hussain Bole Main Aakar Tumhein Bataonga
Yazid Bola Hum Saare Tumhare Saath Mein Hain
Hum Sab Ke Sab Hi Yaqeenan Ek Baat Mein Hain
Yaqeen Dilaya Imam Hussain Ko Hai Yazid
Bulaya Dhokhe Se Hasnain Ko Wahan Pe Paleed
Hussain Nikle Bahattar Ko Saath Mein Lekar
Who Sab Hamare Hain Kofe Mein Saathiyan Lekar
Hamari Fauj Se Badh Kar Ke Unki Faujen Hain
The Unke Saath Mein Abbas Bhi Alam Lekar
Hussain Ke Saath Faqat Sirf Unka Kunba Tha
Na Doosra Koi Bahar Ek Bachcha Tha
Nehatte Nikle The Sab Ghar Se Fatima Wale
Kiye The Sazishen Pehle Hi Se Kofiya Wale
Ke Jaise Pahunche Wahan Murtaza Ke Ghar Wale
To Aake Gher Liye Shimar Ke Lashkar Wale
To Badh Ke Kehne Lage Aao Ae Imam Aao
Ke Jitne Saath Mein Aaye Hain Who Tamaam Aao
To Jam Gaye Sabhi Karbala Ke Maidan Mein
Sab Aake Kehne Lage Karbala Ke Maidan Mein
Tumhein Bulaye Hain Bas Itni Baat Karne Ko
Nahin Bulaye Tumhein Ladhne Aur Jhagadne Ko
Bas Itna Sunna Hi Tha Poochhe Imam Hussain Unse
Irada Kya Hai Tumhara Batao Saaf Humse
To Bole Sab Ne Tum Deen-e-Ma’rifat Chhodo
Tum Hum Se Bait Karo Aur Hamare Saath Ho Lo
Hussain Bole Tumhari Yeh Shart Nahin Manzoor
Hamare Aage Se Hat Jao Aur Niklo Door
Tum Dhokha Baaz Ho Mansha Tumhara Ganda Hai
Tum Bad Khisal Ho Yeh Hi Tumhara Dhanda Hai
Ghazab Mein Aagaye Kuffar Mushrikeen Saare
Hussain Walon Pe Tab Hi Laga Diye Pehre
Hussain Walon Pe Zalim Bade Sitam Dhaye
To Unke Waaste Paani Bhi Band Kar Dale
To Bhooke Pyaase Hi Kuch Din Guzar Gaye Unpar
To Kofe Wale Ne Kya Kya Sitam Kiye Unpar
Shimar Laeenon Ne Kayyon Ko Qatal Kar Dala
Aur Chhote Bachon Ko Bhi Zalimo Ne Na Baksha
Wahan Ka Waqia Tafseel Se Sunoge Agar
Kaleja Phat Jayega Khoon Royegi Yeh Nazar
Hussain Lakhon Ke Chhakke Wahan Chhuda Dale
Aur Waqt Aakhir Sajde Mein Sar Kata Dale
Yeh Waqia Tumhein Phir Aur Kabhi Sunaonga
Hua Tha Kofe Mein Kya Kya Tumhein Bataonga
Zameen-e-Karbala Dekhi Hai Khoon Ka Manzar
Yeh Kaise She Liya Karbal Ka Waqia Dawar