Taqat Khuda Ke Sher Ki Khyber Se Poochiye
Rasta Khuda Rasool Ka Rehbar Se Poochiye
Karbal Ke Waqiye Ki Zamane Ko Kya Khabar
Karbal Ka Waqiya Mere Asghar Se Poochiye
Kausar Ki Meherbani Ya Aab-e-Hayat Ki
Zahid Yeh Baat Saqi-e-Kausar Se Poochiye
Kashti-o-Khuda Ko Samandar Ka Kya Hisab
Gehrai Kya Hai Darya Jafar Se Poochiye
Kya Jane Dilbari Ko Muanis-o-Mukhannas
Rutbe Ko Mujahid Ke Muzakkar Se Poochiye
Mazhab To Chaar Farz Hain Aur Chaar Hain Imam
Barah Imam Kis Liye Baqar Se Poochiye
Bayyath Jo Kar Ke Phir Gaye Jo Tod Kar Ahad
Inkar Kis Liye Hai Yeh Munkir Se Poochiye
Zahir To Sab Batayenge Batin Hai Posheeda
Irfan-e-ilahi Kisi Deegar Se Poochiye
Apne Ko Aap Janna Aasan Nahin Magar
Dawar Tumhein Batayega Dawar Se Poochiye