Mere Khadar yehi Aarzoo Hai Meri Nazaa Mein Ye Nazar Aastan Par Rahe!
Jism Se Rooh Jis Waqt Nikle Mere Kalma Ye Mustafa Is Zaban par Rahe!!
Zikr Karta Hu Rabbul Ala Ka Sada Rubaru Mere Sajdo Ke Masjood Hai!
Mera Dil Koi Kaabo Se kam To Nahi Mera Mabood Akhir Kaha Par Rahe!!
Humne Ek Boot Ko Mana Tha Apna Khuda Roz Sajdo Pe Sajde Mein Karta Usse!
Ab To Ye Haal Hai Wasal Hota Nahi Yuhi Kabtak Koi Darmiyaa Par Rahe!!
Mein Na Usse Alag Wo Na Humse Juda Nahan Wa Akrab Gawahi Ko Maujood Hai!
Wo To Har Waqt Hai Hum Nazdik Tar Sath Apne Hai O Hum Jaha Par Rahe!!
Kyaa Nakeere Kare Aake Mujhse Sawal Khud He Mujh Mein Tha Maujood O Zul Jalal!
Wo Bhi Aadam Mein Tha Mein Bhi Aadam Mein Tha Tum Bhi Sajda Jo Karte Waha Par Rahe!!
Bus Yehi Fikr Mein Zindagi Kho Diya Khol Aamal Mera Tum Dekho Jara!
Tum To Sajid The Mein Bhi Toh Masjood Tha Dekhkar Sab Wo Hairan Jahan Par Rahe!!
Is Tarah Se Hamare Wo Hai Sath Mein Jaise Laa Aur Illa Ek Markaz Pe Hai!
Dosti Aise Hum Dono Ki Hogayi Laa Nafi Aur Illa Jaise Hum Par Rahe!!
Meri Surat Hai Wo Uski Murat Hu Mein Jism Do Hai Magar Kalb To Ek Hai!
Mein Makin Banke Maujood Hai Jism Mein Aur Hum Laa Makaa Se Makaa Par Rahe!!
Khadari Sarwari Ke Hume Noor Hai Hum Pe Gauhar MUNAWAR Ka Lutfe Karam!
Hum Rafeeqi Hi DAWAR Hume Naaz Hai Hum Zameen Par Nahi Aasman Par Rahe!!