Meri Qismat Nabi Sajate Hain Kaam Bigda Huwa Banate Hain
Main To Ahmed Se Ishq Rakhta Hoon Soyi Taqdeer Who Jagate Hain
Bair Rakha To Mere Ahmed Se Dushmani Hai Khuda Ki Qudrat Se
Jo Khuda Ke Habib Ka Dushman Gham Hamesha Use Satate Hain
Ranj-o-Gham Se Nijaat Hai Uski Mere Aaqa Se Jo Kiya Ulfat
Jo Bhi Rota Hai Yaad Kar Ke Unhein Mere Aaqa Use Hansaate Hain
Ishq Paida Karo Hasad Chhodo Ummati Ho To Pyaar Ko Jodo
Jis Ke Dil Mein Huwa Hasad Paida Naar-e-Dozakh Use Jalate Hain
Ek Qadam Banda Jab Uthata Hai Sau Qadam Maula Chal Ke Aata Hai
Baat Yeh Sach Mere Khuda Ki Qasam Dil Mein Dono Bhi Aasmaate Hain
Mustafa Khush Agar Ho Ummat Se Ho Gaya Kaamiyab Rehmat Se
Gar Khuda Khush Huwa Ho Bande Se Jalwe Har Dam Use Dikhate Hain
Dil Munawwar Mera Banate Hain Ganje Gohar Mujhe Sajate Hain
Saath Mein Jab Rafiq Hain Dawar Is Waseele Ko Saare Paate Hain