Ghulaman-e-Muhammad Ki Ibadat Khaksari Hai
Hashr Ke Din Yahi Who Cheez Jo Meezan Pe Bhaari Hai
Koi Uqba Ka Talib Hai Koi Hooron Ka Shaidai
Yeh Cheezein Maangne Wala Bada Ooncha Bhikari Hai
Kisi Ko Naaz Sajdon Par Kisi Ko Naaz Taqwa Par
Isi Naaz O Guroori Se Hua Shaitaan Naari Hai
Guroori Chhod Do Aajiz Bano Raazi Khuda Ho Ga
Khuda Us Se Hai Raazi Jiske Andar Inkasari Hai
Khuda Raazi Agar Ho Kar Tamanna Meri Pooche Ga
Main Keh Doonga Ata Kar De Jo Tujhko Cheez Pyaari Hai
Humein Maloom Hi Na Tha Hamara Kaun Hai Khaaliq
Muhammad Mustafa Batlaaye Khaaliq Rab-e-Baari Hai
Hamesha Khaksari Inkasari Mein Raha Dawar
Usi Ko Maan Kar Sab Kuch Bana Baitha Pujaari Hai