Main Jab Chaand Dekha Nabi Yaad Aaye
Durood Un Pe Bheja Jabhi Yaad Aaye
Hai Na’at-e-Muhammad Hi Mera Wazifa
Mujhe Har Hamesha Yahi Yaad Aaye
Tasawwur Mein Har Pal Nabi Ki Hai Soorat
Main Aashiq Hoon Unka Wohi Yaad Aaye
Har Ek Saans Meri Tafakkur Mein Unke
Nikalti Hai Vo Har Ghadi Yaad Aaye
Agar Dil Pareshan Hua Jab Bhi Mera
Nabi Ki Qasam Hai Nabi Yaad Aaye
Siwa Un Ke Koi Waseela Nahin Hai
Madad Ke Liye Aap Hi Yaad Aaye
Nabi Ka Hai Dast-e-Karam Tum Pe Daawar
Nabi Ke Ho Aashiq Nabi Yaad Aaye