Khuda Ne Arsh Se Bheja Shahe Abrar Ka Jhula!
Mere Mohasin Mere Aaqa Mere Dildar Ka Jhula!!
Muzammil Surah Yaseen Hai Jhule Ki Doori Mein!
Taha Bhi Sath Laya Ahamede Mukhtar Ka Jhula!!
Jhulane Ke Liye Khuld e Bari Se Hoore Aathi Hai!
Nirali Shaan Wala Hai Mere Sarkar Ka Jhula!!
Khade Rahete Hai Bimaroon Ki Saf Mein Hazrate Isaa!
Ke Gamkhaaro Ki Khatir Hai Mere Gamkhaar Ka Jhula!!
Hazaroo Yusuf e Kinaan Jhule Par Nichawar Hai!
Zulekha Ye Nahi Hai Misr Ke Bazar Ka Jhula!!
Zabee Hooro Ne Rakhdi Aamina Ke Aastane Par!
Mila Dai Halima Ko Rukh e Anwar Ka Jhula!!
Na Kyun Qurban Jaye Aise Jhule Par Rukh e Kaba!
Khuda Ne Khud Sajaya Sayeda Abrar Ka Jhula!!
Sar e Meheshar Nigahe Sab Tehare Mujhe Pe Aie DAWAR!
Mere Hisse Mein Aaya Hai RAFEEQ e Pyar Ka Jhula!!