Meri Un Se Hi Aashnai Hai
Jis Ne Qismat Meri Banai Hai
Vo Sikhaaye Sabak Bhalaai Ka
Un Ke Dam Se Hi Paarasai Hai
Vo Saleeqa Sikhaye Jeena Ka
Zindagi Un Se Rang Laai Hai
Jab Se Dil Un Pe Ho Gaya Shaida
Zindagi Mein Bahaar Aai Hai
Main Azal Se Hi Un Ka Deewana
Un Ki Ulfat Azal Se Aai Hai
Un Ki Ulfat Se Dil Hua Roshan
Main Ne Daulat Badi Kamai Hai
Jin Ki Ulfat Mein Mast Hai Daawar
Un Ke Khaatir Yeh Sab Khudaai Hai