Main Khaak Hoon Rasool Ke Qadmon Ki Dhool Hoon
Khadim Hoon Khaksaar Hoon Ummat Rasool Hoon
Khushboo Rasool Paak Ki Dil Mein Base Na Kyun
Yashrab Ke Baghbaan Ke Gulshan Ka Phool Hoon
Farmaan-e-Mustafa Pe Yeh Hasti Meri Nisaar
Main Jaan Bhi Gawa Doonga Aisa Usool Hoon
Ummat Hoon Main Rasool Ka Karta Hoon Pairwi
Yeh Ibtida Hai Ishq Ki Ab Se Nuzool Hoon
Main Ne Kiya Tha Wada Jo Roz-e-Alast Mein
Duniya Mein Usko Bhoola To Phir Bhi Fuzool Hoon
Insaan Ki Sifat Mere Andar Zaroor Hai
Shaidaaye Panjatan Hoon Main Ishq-e-Rasool Hoon
Daawar Ko Haal Yaad Hai Rooh-e-Alast Ka
Is Wastay Main Sarwari Ghar Ko Qubool Hoon