Muzammil Ki Dori Ka Jhoola Bana Kar Jhulaye Muhammad Ko Daai Haleema
Sada Hamd Moula Ki Lori Suna Kar Sulaaye Muhammad Ko Daai Haleema
Yateemi Ka Ehsas Hone Na DeKar Kiye Parwarish Vo Hamare Nabi Ki
Jata Kar Ke Mamta Bhulaaye Yateemi Hasaaye Muhammad Ko Daai Haleema
Mere Mustafa Ke Ladakpan Ke Din The Vo Bachon Ki Sohbat Mein Khelte The
Farishta Ne Cheera Tha Leta Ke Seena Uthaye Muhammad Ko Daai Haleema
Khuda Ki Kasam Hai Haleema Se Badhkar Koi Aur Daai Jahan Mein Nahi Hai
Bana Kar Bichhona Vo Godhi Mein Apni Sulaaye Muhammad Ko Daai Haleema
Kaleje Se Apne Laga Ke Nabi Ko Vo Paale Hain Bachpan Mein Jaan-o-Jatan Se
Kabhi Dushmanon Ki Nazar Mein Na Laye Bachaye Muhammad Ko Daai Haleema
Ibadat Samajh Kar Ke Khidmat Kiye Vo Yeh Hain Do Jahan Ke Shafaat Ke Ba’is
Amanat Nabuwat Ki Unhone Sambhali Sambhale Muhammad Ko Daai Haleema
Badi Khush Naseebi Haleema Ki Daawar Vo Rehmat-e-Aalam Ki Daai Bane Hai
Meri Bhi Shafaat Karo Ya Muhammad Sunaaye Muhammad Ko Daai Haleema