Ummati Banaye Hain Khuda Ke Habib
Nasr Min Allah Wa Fatahun Qareeb
Mere Nabi Ka Mujhko Waseela Hai Mil Gaya
Jab Mil Gaye Nabi Yeh Muqaddar Sawar Gaya
Hain Meri Madad Ko Khuda Ke Raqeeb
Nasr Min Allah Wa Fatahun Qareeb
Mere Nabi Se Meri Hamesha Hai Iltija
Mere Nabi Se Mujhko Hamesha Hai Wasta
Dard-e-Dil Ke Wastay Wahi Hain Tabeeb
Nasr Min Allah Wa Fatahun Qareeb
Vo Hain Mere Haami Wahi Hai Muddua
Mera Haal Unse Kabhi Na Chhupa
Haal-e-Dil Se Waqif Hain Mere Mujeeb
Nasr Min Allah Wa Fatahun Qareeb
Har Bala Se Hum Ko Bachate Hain Nabi
Momino Ki Aafat Talate Hain Nabi
Yeh Mera Muqaddar Yeh Mera Naseeb
Nasr Min Allah Wa Fatahun Qareeb
Aashiqon Pe Aaqa Meherbaan Hain
Khadimon Ke Aaqa Nigehbaan Hain
Gardishen Hamari Talate Hain Habib
Nasr Min Allah Wa Fatahun Qareeb
Mere Nabi To Hain Rahbar-e-Zama’an
Mureedon Ki Haalat Hai Un Pe Sab Ayaan
Hai Maqam-e-Daawar Rafeeq Ke Qareeb
Nasr Min Allah Wa Fatahun Qareeb