Aastaan Ko Tere Chhod Kar Main Na Jaaoonga Deir-o-Haram
Main Azal Se hun Shaida Tera Teri Ulfat Hai Dil Mein Sanam
Mujhko Auron Ki Haajat Nahi Aur Duniya Se Kya Hai Gharaz
Dil Mein Hai Teri Deewangi Mere Hamdam Khuda Ki Kasam
Mere Rab Se Mujhe Waasta Dil Yeh Kehta Hai Be-Sakhta
Jaan-e-Jaan Tu Hai Mera Balam Ho Karam Ho Karam Ho Karam
Husn Pesh Nazar Jab Na Ho Aashiqi Ka Maza Kuch Nahi
Paaye Boosi Ka Tab Hai Maza Yaar Ho Roobaru Kam Se Kam
Tere Kadmon Pe Sar Rakh Diya Saare Sajde Ada Ho Gaye
Ab Mukammal Hui Bandagi Warna Hota Hamesha Yeh Gham
Mere Hamdam Mere Hamnawa Ishq Tera Hi Dil Mein Bhara
Laaj Rakhle Mere Ishq Ki Hai Yehi Iltija Dam Ba Dam
Waqt-e-Sajda To Ho Samne Yeh To Daawar Ki Me’raj Hai
Sar Jhukaaoon Main Aage Tere Mere Sajdon Ka Rakhna Bharam