Sarkar Do Aalam Ki Azmat Ye Ahl-e-Zamana Kab Jaane
Rab Jaane Rab Jaane Sarkar Ka Rutba Rab Jaane
Muhammad Mustafa Salle Ala Ki Aisi Hasti Hai
Khuda Ke Saath Mere Mustafa Ki Bhi Parasti Hai
Muhammad Ke Bina Ae Momino Kalma Adhoora Hai
Muhammad Ko Karo Tasleem To Imaan Poora Hai
Maalik Hi Khoob Jaane Mansha Rasool Ka
Dekho To Rab Ke Jaisa Hai Chehra Rasool Ka
Bahtar Hazaar Saal Khuda Tha Maqam-e-Kun
Faikun Mein Kaam Aaya Iraada Rasool Ka
Khuda Kehta Hai Ke Main Mustafa Ko Yaad Karta Hoon
Muhammad Naam Se Main Apne Dil Ko Shaad Karta Hoon
Farishton Ko Bhi Hai Takeed Tum Allahuma Bolo
Muhammad Naam Sunte Hi Durood Mustafa Bhejo
Lagi Thi Arsh Par Takhti To Adam Ne Use Dekha
Tha Kalma Mein Muhammad Naam To Ye Be-Sabab Samjha
Hui Ghalti Jo Adam Se Hue Jannat Se Vo Bahar
To Waqt-e-Iltija Naam Muhammad Unko Yaad Aaya
Hua Tha Hukm Adam Ko Jahan Chaaho Wahan Jaana
Magar Ek Shart Hai Is Jhaad Ke Gandum Nahi Khaana
To Ghaflat Aagai Unko Vo Jaakar Khaye Gandum
Hua Jab Hukm-e-Baari Tum Yahan Se Ab Nikal Jaana
To Itne Mein Sada-e-Gaib Aayi Ke Suno Adam
Tumhara Hai Yehi Mounas Tumhara Hai Yehi Humdam
Tumhare Aur Tumhari Aal Ka Ye Rahnuma Hoga
Tum Bakshe Jaoge Is Naam Se Ye Muddua Hoga
Haqeeqat Samne Aayi Samajh Mein Aagaya Sab Kuch
Main Dekha Apni Aankhon Se To Main Ne Pa Gaya Sab Kuch
Dikha Kar Saara Qissa Kaat Daala Hai Zabaan Meri
Mera Daawar Mureedon Ko Yehi Samjha Diya Sab Kuch