Mujhe Apna Jalwa Dikha Do Muhammad Ke Iske Siwa Koi Hasrat Nahin Hai
Vo Pur Noor Chehra Dikha Do Khudara Ke Iske Siwa Koi Chahat Nahin Hai
Hoon Shaida Azal Hi Se Aaqa Tumhara Ke Is Baat Par Mera Imaan Gawah Hai
Na Ho Dil Mein Jab Tak Mohabbat Tumhari Khuda Ki Kasam Hai Vo Ummat Nahin Hai
Jo Chehra Tumhara Hai Chehra Khuda Ka Tumhein Jis Ne Dekha Vo Dekha Khuda Ko
Ahad Aur Ahmad Mein Hai Meem Parda Na Dekha To Haq Ki Shahadat Nahin Hai
Tumhare Se Jo Bair Rakhta Hai Dil Mein Vo Shaitaan Hai Usko Insaan Na Kehna
Khuda Us Pe Lanat Karega Yaqeenan Jise Mustafa Se Mohabbat Nahin Hai
Aye Aaqa Jo Tum Ne Badi Aarzu Se Sajaye Hain Islam Ke Is Chaman Ko
Magar Usko Gaarat Jo Karne Chale The Munafiq Hai Vo Ahl-e-Sunnat Nahin Hai
Hamesha Hi Zahid Hai Sar Ko Jhukaya Tasawwur Khuda Ka Nahin Waqt-e-Sajda
Dikhave Ki Ibadat Hai Uski Haqiqat Mein Uski Ibadat Nahin Hai
Muhammad Ke Naam-e-Mubarak Ko Sun Kar Khuda Bhi Durood Un Par Padhta Hai Dawar
Muhammad Ka Rutba Jo Samjha Nahin Hai Vo Andha Hai Usko Maharat Nahin Hai