Mann Araf Ke Mein Ilm Se Halwa Banaungi Halwa Banaungi!
Khud Araf Ke Mariz Ko Mein Khud Khilaongi – Mein Khud Khilaongi!!
Nahnu Ki Zad Ko Apne He Hatho Se Koot Kar!
Jaitun Or Tauba Ka Raas Usme Daalungi – Mein usme Daalungi!!
Ahmad Nagar Se laungi Baadam Pista Mein!
Chilka Hasad Wa Bugaz Ka Mein Khud Nikalungi – Mein Khud Nikalungi!!
Saato Sifat Ki Sont Ko Mein Koot Chaan Kar!
Wahedat Ki Ek Dandi Se Usko Halaungi – Usko Halaungi!!
Chule Pe Mein Tarik Ke Rakh Dungi Deg Ko!
Ishqke Nabi Ki Aag Mein Thanda Pakaungi – Mein Thanda Pakaungi!!
Dalungi Mewe Mein To Aalif Laam Meem Ke!
Hikmatt Se Mein To Sabar Ki Shakkar Milaungi – Shakkar Milaungi!!
Taiyar Hoga Pakke Jo Halwa Ye Deg Mein!
Hatho Se Mein Mariz Ko Apne Khilaungi – Apne Khilaungi!!
Sab Khao Shauk Wa Zauk Se Parhez Ek Hai!
Baigan Jo Hai Gunaah Ka Dil Se Nikalungi – Dil Se Nikalungi!!
Din Raat Aur Subah Ko Khana Hai Ye Dawa!
Dil Mein Bhara Hai Keena Usse Bhi Nikalungi – Usse Bhi Nikalugi!!
Mere Rafiq Ali Ne Ye Nuska Diya Mujhe!
Ehsaan Kaise Unka Mein DAWAR Bhulaungi – DAWAR Bhulaungi!!