Zara Tum Sochkar Dekho Khuda Ka Kya Irada Hai
Tumhein Kisi Wastay Apna Khalifa Vo Banaya Hai
Khuda Tum Ko Banane Par Hamesha Naaz Karta Hai
Koi Maqsad Raha Ho Ga Tumhein Naib Banaya Hai
Farishton Se Kaha Maula Yehi Hai Raazdaan Mera
Ye Kehkar Sab Farishton Se Tumhein Sajda Karaya Hai
Ye Rutba Khaliq-e-Baari Tumhein Baksha Hai Kyun Socho
Karo Tum Gour Kuch Is Par Tumhein Kya Kya Sikhaya Hai
Khuda-e-Paak Insaan Ko Sharf Itna Bada Baksha
Ke Insaan Aake Ghaflat Mein Ye Rutbe ko Bhulaya Hai
Khuda Ne Khaas Maqsad Se Kiya Aaghaz Bande Ka
To Laazim Ho Gaya Tum Par Ke Is Par Chal Dikhana Hai
Farishton Ne Kiya Inkaar Tha Taqleed-e-Aadam Se
Dar-e-Baatin Bataya Aur Sabhi Qudrat Dikhaya Hai
Irade Ko Khuda Ke Jaan Kar Pehchaan Kar Dawar
Tumhein Waaqif Karane Ke Liye Tashreef Laya Hai