Kyun Loon Waseela Gair Ka Yeh Kaisi Baat Hai
Roshan Kitaab Saath Hai Raah-e-Nijaat Hai
Sheh Rag Se Door To Nahi Mola ye Kainaat
Dil Ko Bana Ke Ghar Mera Rab Mere Saath Hai
Thandak Namaaz Aankhon Ki Meraaj Hai Meri
Ahmed Ahad Hai Saamne Shab-e-Baraat Hai
Aaqa To Saamne Mere Rehta Hai Har Ghadi
Mujh Ko Gharaz Usi Se Baqa Jis Ki Zaat Hai
Sarkaar-e-Mustafa Ka Waseela Hai Laazmi
Rahbar Nahi To Bande Ko Shaitaan Ki Ghaat Hai
Kaamil Yahan Pe Milna To Dushwaar Hai Bohot
Aasaan Hai Rab Ko Paana Mushkil Bhi Baat Hai
Dawar Ko Zindagi Hai Lagi Khwab Ki Tarah
Zinda Hoon Ta Hashr Mein Khuda Mere Saath Hai