Aashiq Ke Dil Pe Likha Hai Gausulwara Ka Naam!
Jaane Ali Ka Naam Shahe Auliyaa Ka Naam!!
Jisne Bhi Sidak Dil Se Pukara Hai Aap Ko!
Imdaad Ko Bhi Aya Wo Faize Rasaa Ka Naam!!
Thokar Se Zinda Hogaye Murde Bhi Kabar Se!
Kitni Karamato Ka Hai Gausulwara Ka Naam!!
Ye Naam He To Kafi Hai Taweez Ke Liye!
Kitna Haseen Wo Paak Hai Hajat Rawa Ka Naam!!
Bigade Huye Jo Kaam The Ek Pal Mein Ban Gaye!
Jisne Bhi Le Liya Mere Gausulwara Ka Naam!!
Hai Aasmaan Tak Ke Rasai Huzur Ki!
Likha Huwa Hai Arsh Pe Mushkil Kusha Ka Naam!!
Sadke Mein Gause Paak Ke Mein Shaad Kaam Hun!
DAWAR Meri Jaban Pe Hai Gausulwara Ka Naam!!