Un Mein Naa Chaal Hai Mere Peerane Peer Ki!
Peeri Mureedi Karte Hai Munkeer Nakeer Ki!!
Badkaar Bad Chalan Ki Tarah Ghumte Hai Wo!
Ganja Sharab Pee Ke Sadaa Jhumte Hai Wo!
Tauheen Ho Rahi Hai Mere Dastagir Ki!
Peeri Mureedi Karte Hai Munkeer Nakeer Ki!!
Har Baat Mein Quraan Sunate Hai Aaj Kal!
Hazrat Ke Bhi Hadees Batate Hai Aaj Kal!
Aur Kuch Kitaab Rakhte Hai Roshan Zameer Ki!
Peeri Mureedi Karte Hai Munkeer Nakeer Ki!!
Waakif Nahi Hai Kalme Se Kalma Padate Hai!
Apni Bagal Mein Dekhiye Rab Ko Dekhate Hai!
Jageer Milgai Hai Shahe Be Nazeer Ki!
Peeri Mureedi Karte Hai Munkeer Nakeer Ki!!
Daadhee Bhi Ek Hath Ki Rakhte Hai Aise Peer!
Kehlate Hai Zamane Mein Apne Ko Wo Fakeer!
Khaate Hai Wo Kasam Bhi Arab Ke Ameer Ki!
Peeri Mureedi Karte Hai Munkeer Nakeer Ki!!
Rangeen Kapde Pahan Ke Itlaake Chalte Hai!
Powder Lagake Chehre Par Balkha Ke Chalte Hai!
Din Raat Fikar Rehti Hai Bas Roti Kheer Ki!
Peeri Mureedi Karte Hai Munkeer Nakeer Ki!!
Bewa Pe Dal Dete Hai makhariyo Ka Jaal!
Aur Baad Mein Wo Karte Hai Shaadi Ka Bhi Khayaal!
Laila Ki Hai Kahani Kabhi Ranjha Heer Ki!
Peeri Mureedi Karte Hai Munkeer Nakeer Ki!!
Khadar Bachale Sab Ko Yahan Zhute Peer Se!
DAWAR Ki Iltizaa Hai Ye Roshan Zameer Ki!
Izzat Se Khelte Hai Mere Dastageer Ki!
Peeri Mureedi Karte Hai Munkeer Nakeer Ki!!