Ek Pita Aur Ek Hai Maata Sab Inki Santaan
Ek Hi Kul Ke Deep Hain Saare Duniya Ke Insaan
Koi Hai Pandit Koi Hai Mulla Koi Hai Shankar Koi Abdullah
Koi Saadhu Sant Bana Hai Koi Bana Mastaan
Pooja Wa Sajda Dhang Hai Inka Rang Birangi Rang Hai Inka
Ek Hai Padhta Ved Ke Mantr Ek Padhta Qur’an
Yeh Padhta Eka Brahma Woh Kahe illallha
Yeh Kahta Rahman Khuda Ko Woh Kahta Bhagwan
Maata Pita Hain Manusti Roopa Matlab Uska Adam Wa Hawwa
Uski Haqiqat Ko Wahi Jaane Jin Ko Mila Ho Gyaan
Hindu Muslim Bhai Bhai Baat Samajh Mein Jab Yeh Aayi
Hairaan Ho Kar Ke Har Jaayi Bhaag Gaya Shaitaan
Daawar Ki Koi Zaat Nahi Hai Zaat Ki Koi Bat Nahi Hai
Yeh To Azal Se Hai Nirdhari Yeh Hai Faqat Insaan